أشرف
المساهمات : 21 تاريخ التسجيل : 18/07/2010 الموقع : http://ashraf72.blogspot.com/
| موضوع: سألونى بتحب مصر الثلاثاء 20 يوليو 2010, 11:03 am | |
| بسم الله الرحمن الرحيم
قلت اسألوا أهلها ومين يعيش فى مصر وينسي حبها وهي مصر كلمة تسالوا عنها دي مصر من غير سؤال جواب في اسمها قلوب صافيه وجريئة بتحب ربها ومداين عاليه فوق بتملى سمعها الله اكبر عليها ما بتنسي أصلها تطلع وتنزل صحيح ولا تنسي نفسها سألوني بتحب مصر ضحكت عليهم مصر ولممت لبسها وراحت رمياه عليه وأنا تهت فى حضنها ومين عارفها زيي فى عز مرها تتحول فجأة أم وتراضي ابنها وتلاقي منها راجل يجيب حقها بأيديه شايل سلاحه وبأيد يضمها وجنب منه أخوه بيشيل من همها وشيخ طيب وصالح بييزيد فى علمها وبنت زي القمر بتساعد أمها وصغار وكبار تملى بيراعوا زرعها وستي هانم كمان حكت لى عنها وقالت زمان دي كانت جنه فى حسنها بس لو تعبت شويه ده غصب عنها وقابلني عمي عبده شكله شكلها ضحك وقال الله يرحم هو مين كان زيها بس خدوا بأيديها وهتشوفوا عزمها وشجرة خضره كبيره فرده غصنها فارشه فى الأرض نايمه فى حجرها وتقوم العصر بهيه وتنشر ضلها وتحت منها فلاحه بلونها بتنشر حبها وعصافير الجنة فوقها رايحه جايه لعشها وان طارت مره بعيد بترجع بعشقها والله وأمي كمان شايفها زيها بتزعل مني ساعات وتنسي لو أبوس خدها يعني مش كل البلاد هتلاقي قلبها سالوني بتحب مصر بصت عليهم مصر ونطقت لوحدها لقيت قلبي وعينيه بيغنوا اسمها وناس كتير معايه بيحبوا أرضها ساكنه فيهم تملي وده غصب عنها ما هو اللى شارب حنانها صعب يخرج منها عرفت تربي واديكم شاهدين على مجدها حبيبتي مصر طبعا ملكه فى عرشها ساكنه فيه اه وساكن حبها وساكنه برضه فيكم بأمارة لونك وشمسها ومهما كانت داري ما ارتحش فى زيها وطالعه لفوق صدقوني بس نبقي جنبها ولو سالتوا عنها ياما وقفت وحدها قالت انا اللى ليهم وضحي شعبها وبترجع مصر عاليه والكل يروح لها تفتح درعتها لينا ولا تخلف وعدها سالوني بتحب مصر لقتني بقول نشيدها وباغني لحنها ولقيت حواليه ورد كتير من زهرها فى كل ورده حاجه حلوه على غصنها وناس رايحه وجايه فيهم طبعها وقت الشدة تلاقيهم حراس لعرشها هتفضل مصر ديماً بيهم وبنفسها حلوه قويه وأمينه ولا حد يهزها ولو ما عرفتوهاش روحوا لها شوفوا أرضها أكيد هتكونوا زيي وياخدكم عشقها وهترجعوا تقولوا مصر مين زيها سالوني بتحب مصر صحيت وقلت خير مسيري اثبت لها
شعر/ سراج شاهين | |
|
أشرف
المساهمات : 21 تاريخ التسجيل : 18/07/2010 الموقع : http://ashraf72.blogspot.com/
| |
لؤلؤة الاسلام
المساهمات : 7 تاريخ التسجيل : 20/07/2010
| موضوع: رد: سألونى بتحب مصر السبت 09 أكتوبر 2010, 3:31 am | |
| مصر غالية علينا كلنا
شكرا لك اخى | |
|